Waaxda Qorshaynta Ee Komishanka Maamul-wanaaga

Mar 25, 2021

Waaxda Qorshaynta KMW

Waaxda Qorshayntu waxay Komishanka ugu xilsaarantahay Qorshaynta, isku dubaridka Mashaariicda, ka qaybqaadashada diyaarinta Miisaaniyadaha, dabagalka iyo qiimaynta mashaariicaha. Waaxda qorshaynta Komishanka Maamul-wanaaga waxay wakiil uga tahay Sectorka Dawlad Wanaaga ( Governance Sector) oo kamida tiirarka Qorshaha Hormarinta Qaranka ee Labaad (NDPII).

Komishanku wuxuu Sectorka Maamul-wanaaga ka yahay Xoghaynta Guud. Waaxda qorshayntu iyadoo wakiil ka ah Komishanka Waxay isku dubaridaa qorsheyaasha Wadaagaha Maamul-wanaaga, diyaarinta shirarka kala duwan iyo warbixinaha kala duwan ee Kulamada wadaagaha. Waxaana sector Gudoomiye u ah Wasaarada Arimaha Gudaha.

Sidoo kale Waaxda qorshayntu waxay isku dubaridaa qorsheyaasha gaarka u ah Komishanka Maamul-wanaaga iyo waxa ka ka fula oo ay waaxdu warbixin ka soo saarto markasta oo sanadku dhamaado. Waaxda qorshayntu waa waax halbowle u ah Komishanka Maamul-wanaaga.

 

1-Qaabdhismeedka Waaxda

Waaxda qorshaynta ee KMW waxay ka koobantahay sadex qaybood (Section) oo kala ah.

  1. Qaybta qorshaynta iyo siyaasada ( Planning and Policy section)
  2. Qaybta Cilmibaadhista iyo Statisticska ( Research and Statistics Section).
  3. Qaybta Xidhiidhinta Mashaariicaha ( Project Coordination Section)

 

2-Qaybta Qorshaynta iyo siyaasadaha

 

Qaybta qorshaynta iyo siyaasadaha waajibaadkeeda waxa kamida kuwan hoos ku xusan, laakiin inta halkan ku xusan kuma koobna.

 

  1. Ka qaybqaadashada diyaarinta Strategic Planka Komishanka Maamul-wanaaga.
  2. Diyaarinta Qorshehawleedka Komishanka Maamul-wanaaga ( Annual Workplan)
  3. Dib u eegista Qorsheyaasha kala duwan ee ay soo gudbiyaan Hayadaha Dawlada eek u jira Wadaagaha Maamul-wanaaga ( Governance Sector)
  1. Dib u eegista Qorsheyaasha Sanadlaha ah ee Komishanka Maamul-wanaaga waxa ka qabsoomay iyo diyaarinta waxqabadka Komishanka ee sanadlaha ah.

 

3-Qaybta Cilmibaadhista & Statistikada

 

Qaybtani waa qayb muhiima waxaanay Komishanka uga masuul uga tahay Statikada iyo cilmaadhisaha kala duwan ee Komishanka Maamul-wanaagu fuliyo. Masuuliyadaheedana waxa kamida kuwan hoos ku xusan.

 

  1. Cayimida xogta Komishanka maamul-wanaagu u baahan yahay iyo qalabka xogtaasi lagu soo ururin lahaa ( Tools).
  2. Ka qaybqaadashada Cilmibaadhisaha kala duwan ee Komishanka maamul-wanaagu fuliyo.
  3. Isku dubadridka xogta iyo soo saarida xogaha kala duwan ee komishanku ugu baahan yahay tiiyoo adeegsanaysa Xeerka istaatistikada qaranka.

 

4-Qaybta Isku dubaridka Mashaariicaha

 

Qaybtani Komishanka Maamul-wanaaga waxay ugu xilsaaran tahay isku dubaridka Mashaariicaha kala duwan ee Komishanka Maamul-wanaagu fuliyo iyo isku dubaridka Mashaariicaha kala duwan ee Komishanka Maamul-wanaagu dabagalka iyo Qiimaynta ku hayo, sida kuwa ku jira Miisaaniyada Qaranka iyo Kuwa caalamiga ahba.