Komishanka Maamul-wanaaga

Komishanka Maamul Wanaagu waa Komishan qaran oo xukuumadeed oo lagu aasaasay Wareegto Madaxweyne oo sumadeedu tahay No: 0048/08/2010, kuna taariikhaysan, 26/8/2010. Waxaana Goleyaasha sharci dejintu ku ansixiyeen Xeerka Maamul wanaagga Xeer No: 58/2012 sannadkii 2012, iyadoo xeer madaxweyne lagu dhaqan galiyey 03/02/2013. Sidaa darteed, Komishanka Maamul-wanaagu waa guddi madaxbanaan oo ismaamusha, loona dhisay inay si buuxda masuul uga ahaato, abuurida iyo daryeelka dhaqan maamul wanaagsan iyo nidaam dawladeed oo ka nadiif ah dhamaan noocyada Maamul-xummadda iyo musuqmaasuqa.

 

Haddaba Komishanka Maamul-wanaagu waxa uu leeyahay Waax u qaabilsan Wacyigalinta Bulshada iyo Xukuumadda, magaceeduna yahay “Waaxda Wacyigalinta (Public Awareness Department). Xeerka Komishanka qodobkiisa Lixaad, farqadiisa sadexaad  ayaa lagu cadeeyey in Komishanka Maamul-wanaagu ku wacyigaliyo Hay’addaha Xukuumadda Nidaamka toosan Ee Maamulka  si horumar looga gaadhi karo hirgalinta hanaanka maamul-wanaaga Ee Jamhuuriyadda Somaliland.

 

Ujeedada guud ee waaxdani waa in la helo bulsho ka nadiif ah dhamaan  noocyadda Maamul-xumadda,  musuqa iyo wax-isdaba-marinta iyadoo la adeegsanayo nidaamyo wacyigalineed oo ku haboon in bulshada la gaadhsiiyo  barnaamijyada iyo fariimaha Wacyigalinta Komishanku soo-saaro. Waaxda Wacyigalinta  Ee Komishanka Maamul- waxay u xil saaran tahay, Diyaarinta, fulinta Barnaamijyo wacyigalineed  oo lagu toosinayo maamulka dawladda, isla markaana laga hortegayo maamul-xumadda iyo Musuqa. Barrida hanaanka Maamul-wanaaga Bulshada iyo Masuuliyiinta dawladda (Rights and Duties), Diyaarinta, isku-dubaridka iyo qaabaynta  tababarada Wacyigalinta iyo kulamada lagu curinayo fariimaha wacyigalinta.  Si kastaba ha ahaatee, Waaxda Wacyigalintu waxay laf-dhabar u tahay Komishanka maamul-wanaaga, waxayna u taagan tahay isku-xidhka Komishanka iyo bulshada Somaliland, waajibaadkeedana waxa ka mid ah hawlahan hoos ku xusan:-

 

Soo-jeedinta, Diyaarinta, soo-saarista iyo fulinta Barnaamijyo wacyigalineed oo lagu toosinayo hanaanka dawladda.

 

Soo jeedinta barnaamijyada Wacyigalinta Ee lagu horumarinayo maamul-wanaagga, si loo xaqiijiyo himilada Komishanka Ee ah in Somaliland noqoto dalk ku dhisan maamul-wanaaga,dadkeeduna ku nool-yihiin sinnaan iyo caddaalad.

 

A-Ku-wacyi-gelinta Nidaamka toosan inay raacaan hay’addaha dawladdu si loo horumariyo hanaanka maamul-wanaaga.

B-Abaabulida, qabashada iyo fulinta kulamada iyo doodaha lagu  barrayo hawl-wadeenada dawladda iyo bulshadaba Maamul-wanaaga.

C-Qaabaynta,Tifaftirka iyo soo-saarista Daabacaadaha Komishanka Maamul-wanaaga.

D-Faafinta Siyaasadaha, Habraacyada, Hageyaasha, Cilmi-baadhisaha iyo dhamaan warbixinada Komishanku diyaariyo dhamaadka sannad-walba si loo gaadhsiiyo Bulshada iyo cidda kale Ee ay khusayso.

E-Xoojinta Xidhiidhka ka dhexeeya hay’addaha ka wada shaqeeya arimha Wacyigalinta Qaranka.

F-Diyaarinta, soo-saarista, Daabacaada iyo faafinta Agabka Wacyigalinta Ee Komishanka.

 

  -  Qaab Dhismeedka Waaxda Waciygalinta

  A-   Qaybta Saxaafada 
  
  B-   Qaybta Daabacaadaha

  C-   Qaybta waciygalinta

  D-   Qaybta Xidhiidhka Dadwaynaha.