Gudoomiyaha Komishanka Maamul-wanaaga JSL, Mudane Dayib Aden Xaaji Cali ayaa Machadka Tababarka Shaqaalaha Dawladda kala qaybgalay munaasibad ay u qabteen Qaar ka mid ah shaqaalaha dawladda oo dhamaystay koorsoonyin  gaagaaban oo socday muddo sadex bilood ah. Korsooyinkaas waxa dhamaystay 10 wasaaraddood iyo 8 Hay’addood. 

Gudoomiyaha oo munaasibadan ka hadlay ayaa u hambalyeey shaqaalaha kala qalinjabiyey  iyo machadka Tababarka shaqaalaha  Dawladda.  Gudoomiyuhu wuxuu si gaar ah ugu hambalyeey 36 qof Ee  Bartay  Xirfada Diyaarinta Qorshe-hawleedyadda Hay’addaha dawladda, isgoo sheegay in hawsha noocan ah ay aad u taageerayaan maadama oo uu Komishanka Maamul-wanaagu u xil-saaran yahay hubinta Hirgalinta Qorsheyaasha Hay’addaha Dawladda. 

Gudoomiyaha ayaa intaa ku daray inay Warbixinta waxqabadka Komishanka oo taabanaya sida qorsheyaashii Hay’addaha Dawladdu u hirgaliyeen 2020. Gudoomiyuhu wuxuu sheegay inay dhaqaale badani kaga boxo kharashka dawladda arimaha  tababaradda iyo Imtixaanaadka, waxaanu xusay inay  La xisaabtami doonaan hay’addaha dawladda. 

Ugu dambayntiina wuxuu  hambalyo gaar ah u diray  Agaasimaha Waaxda Qorshaynta, Cabdirashiid Muuse Ismaaciil iyo Hoodo Maxamuud Ismaaciil,  Madaxa Aarkiiyadda, kana mid ahaa shaqaalaha maanta ka qalinjabiyey Machadka Shaqaalaha Dawladda, kana tirsan Shaqaalaha Komishanka Maamul-wanaaga.
Allaa Mahad leh